Nevroklinikken

Klinikken tek imot nærmare 8000 pasientar for innlegging og om lag 18.000 pasientar for poliklinisk konsultasjon årleg. Ved Nevrokirurgisk avdeling blir det utført omkring 1200 inngrep kvart år, der over 370 av desse er Gammaknivsbehandlingar.

Forsking er ei av dei fire hovudoppgåvene ved Nevroklinikken, og vi har eit av dei største forskingsmiljøa ved Haukeland universitetssjukehus. Nevroklinikken publiserer jamnleg nye vitskapelege artiklar og har stadig fleire pågåande forskingsprosjekt. 

Forskinga ved Nevroklinikken er i hovudsak konsentrert om nevroimmunologi, paraneoplasi, slag, Parkinsons sjukdom, hjernesvulstar og hjernecyster.

Leiinga ved Nevroklinikken finn du i Gamle Hovedbygg der du òg finn Nevrologisk avdeling, avdeling for Klinisk Nevrofysiologi, seksjon for poliklinikk og dagbehandling og Neuro-SysMed.

Nevrokirurgisk avdeling held til i Sentralblokka i 7. etasje.

Logopedtenesta har kontor i Gamle Hovedbygg, men yter tenester til både Haukeland universitetssjukehus og Haraldsplass Diakonale Sykehus. 

Nevrologisk avdeling og Nevrokirurgisk avdeling har felles poliklinikk i Gamle Hovedbygg. 

Leiinga ved Nevroklinikken 

Torhild Næss Vedeler, klinikkdirektør

Trine Drange, rådgivar i stab