Medisinsk-, Kreft- og Lungeavdelinga, Mottaksklinikken og Palliativt team
Seksjonsleiar:
Theresa Johannessen
Telefon: 55 97 29 28 / 55 97 29 09
Theresa.johannessen@helse-bergen.no
Bemanning:
Ca. 15 årsverk fordelt på 17 fysioterapeutar og ein aktitvitør
Kvar er vi?
- Kreft, Lunge, Medisin og Mottak: kontor i Armauer Hansens hus, sengepostar i Sentralblokka og Parkbygget
- Palliativt team: kontor i Glasblokkene og Konrad Birkaugs hus, sengepost i Glasblokkene
- Overvektpoliklinikken: Lærings- og meistringssenteret, Ulriksdal
- Lungerehabiliteringa: U.etg. Sentralblokka
Arbeidsområde
Vi følgjer opp innlagte pasientar individuelt og pasientar i poliklinikk individuelt og i grupper. Det er 15 sengepostar knytta til seksjonen ved Kreftavdelinga, Lungeavdelinga, Medisinsk klinikk, Mottaksklinikken, KSK/Intensiv og Palliativ sengepost. I tillegg kjem sengepostar som henviser for vurdering eller behandling av lymfødem, innstilling av hostemaskin eller til Palliativt team. Vi undersøkjer og behandlar pasientar med problemstillingar knytta til den avdelinga dei er innlagt ved. Vi arbeider sjølvstendig og i team. Ved seksjonen utfører vi akutt behandling, rehabilitering, palliativ behandling og vurdering av blant anna fysisk funksjon, respirasjon, smertetilstandar og lymfødem. Behandlinga går føre seg på sengepostane og på treningsrom. Vi følgjer opp pasientar som tilhøyrer våre ansvarsområde ved intensivavdelinga.
Vi har poliklinisk tilbod til grupper for trening og undervisning ved Lungeavdelinga, Poliklinikk for overvekt og Smerteklinikken. Vi gir individuell poliklinisk oppfølging ved Lungeavdelinga, Poliklinikk for overvekt og Kreftavdelinga.
Vi bidreg med utprøving, tilpassing og rekvirering av enkelte hjelpemiddel og utstyr til behandling.
Vi underviser blant anna ulike pasientgrupper og deira pårørande, kollegaer, studentar v/høgskular, samt rettleiing av studentar i praksis, turnuskandidatar og hospitantar.
Vi deltek i nettverk for ergo- og fysioterapeutar innan dei enkelte respektive fagfelt.
Her er informasjon om avdelingane vi er knytta til:
- Palliativt team: bidreg med råd og rettleiing innan lindrande behandling for pasientar med livstruande sjukdom. Palliativt Team - Helse Bergen (helse-bergen.no)
- Overvektpoliklinikken: Tverrfagleg utgreiing og behandling av overvekt hos vaksne, med hjelp til livsstilsendring, livsstilskurs eller individuell oppfølging. Overvektpoliklinikken - Helse Bergen (helse-bergen.no)
- Lungerehab: kurstilbod til KOLS-pasientar, trening og undervisning i gruppe, individuell oppfølging ved behov. Lungerehabilitering - Helse Bergen (helse-bergen.no)