Revmatologisk avdeling

Revmatologisk avdeling har ansvar for behandling og oppfølging av pasientar med revmatiske sjukdommar i Vestland fylke. Avdelinga tilbyr utgreiing, diagnostikk, behandling, rehabilitering og opplæring av pasientar og pårørande. Vi driv ei stor poliklinisk verksemd som også inkluderer Osteoporosesenteret og ei infusjonseining. Vi har felles sengepost med Hudavdelinga som er lokalisert i Hudbygget (3. et.). Korona: Informasjon til pasienter med inflammatorisk revmatisk leddsykdom finner du lengre nede på siden.

Revmatologisk avdeling driv undervisning, utdanning av helsepersonell og forsking innan revmatiske sjukdommar. Vi arbeider tverrfagleg og har mange yrkesgrupper knytt til avdelinga. Vi skal dekke lokale og regionale behov for spesialisthelsetenester innan revmatologi for vaksne frå 17 år.

Revmatiske sjukdomar er ei fellesnemning for mange sjukdommar som angrip for eksempel ledd, musklar, skjelett, hud og indre organ. Revmatologisk avdeling driv med utgreiing, diagnostikk, behandling og rehabilitering av pasientar med desse sjukdommane. Avdelinga driv også forsking, fagutvikling, utdanning av helsepersonell og pasientopplæring.

Revmatologisk avdeling har legar, sjukepleiarar, hjelpepleiarar, helsesekretærar, fysioterapeutar, ergoterapeutar og farmasøyt som tilbyr undersøking, rettleiing og nødvendig behandling innan sitt fagområde.

Undersøking og behandling ved Revmatologisk avdeling skjer etter tilvising frå lege ved mistanke om underliggande revmatisk sjukdom som årsak til muskel- og skjelettplager.

Revmatologisk poliklinikk

Avdelingsdirektør Alf Henrik Andreassen
Avdelingsoverlege Merete Valen
Seksjonsleiar poliklinikk (sjukepleiarar) Kristin Soltveit
Seksjonsleiar kontor Else Karin Fossøy Synnevåg
Seksjonsoverlege Osteoporosesenteret Ellen Margrete Apalset
Ass. avdelingssjukepleiar Osteoporosesenteret Trude Instebø Hansen