Vi anbefaler at du alltid bruker siste versjon av nettleseren din.

Bjørgvin DPS gruppebehandling

Psykiske vanskar har ofte samanheng med, og kan påverke, relasjonar til andre menneske. Difor legg vi stor vekt på aktivitet og samhandling som ein viktig del av behandlinga. Ved Bjørgvin distriktspsykiatriske senter (DPS) tilbyr vi ei rekkje gruppebaserte behandlingstilbod og aktivitetar som kan støtte deg i di eiga bedringsprosess.

Gruppebehandling ved Bjørgvin DPS

Gruppebehandling blir organisert som ein del av anten poliklinikk eller sengepost, sidan mange av gruppetilboda er ei forlenging av eit døgnopphald eller inngår som del av poliklinisk behandling. For enkelte kan dagbehandling òg vere eit eige, sjølvstendig tilbod.

Innhald og tilbod

Fokuset i dagbehandlinga er behandling og undervisning, men innhaldet i tilboda kan variere over tid for å tilpassast brukarane på eininga. Aktuelle gruppetilbod kan vere:

  • Angstmeistring

  • Livsmeistring

  • Samtalegrupper

  • Uttrykksterapi

  • Musikkterapi

  • Kurs som t.d. sinnemeistring, depresjonsmeistring og ernæring

  • Fysisk trening

  • Pilates

Gruppebasert behandling

Gruppebehandling gir rom for refleksjon, fellesskap og meistring. Vi tilbyr ulike typar grupper, mellom anna:

Kreativ gruppe
Eit prestasjonsfritt rom der du kan utforske dine eigne uttrykk gjennom kreative aktivitetar. Gruppa blir leia av ein kunstterapeut og blir halde to gongar i veka.

Samtalegruppe
Ei løysingsorientert gruppe der deltakarane sjølve vel tema for samtalen. Tilsette er til stades og tek utgangspunkt i deltakarane sine erfaringar.

Pasientundervisning
Vi tilbyr undervisning kvar veke med tema som blir tilpassa behov og ønskje i gruppa.

Musikkaktivitetar
Du kan vere med i musikkcafé, samspel med andre eller få individuell rettleiing frå musikkterapeut.

Fysisk aktivitet og turar
Vi har gymsal og tilbyr tilpassa trening, i tillegg til faste turgrupper kvar veke. Aktivitetane blir tilpassa kvar enkelt sitt meistringsnivå.

 

Slik finn du fram

Oppmøtestad

Vi har gruppetilbod både ved poliklinikken i Knarvik og på Tertnes i Åsane. På Tertnes held vi til i bygg A, B og C, og pasientar som skal til dagbehandling møter i ekspedisjonen i bygg B. I Knarvik møter du ved allmennpsykiatrisk poliklinikk.

Eksteriør Region Nordhordland helsehus. Foto

Region Nordhordland helsehus, Knarvik

Kvassnesvegen 40

5914 Isdalstø

Finn fram

Er du pårørande?

Det kan vere utfordrande å vere pårørande til ein person med psykiske helseutfordringar. Her finn du informasjon retta både mot vaksne pårørande og barn som er pårørande.
Informasjon til pårørande
Pasient og pårørande i sofa hos behandlar. Illustrasjon