Poliklinikk for prøvetaking i Sentralblokka

Poliklinikken i Sentralblokka er først og fremst for pasientar som er under behandling ved Haukeland sjukehus. I tillegg kan pasientar bli tilvist frå fastlege/spesialist som er totalkundar ved sjukehuset. Legen må ha oppretta ein rekvisisjon, enten elektronisk eller på papir. Du betalar ingen eigendel.

Vi oppmodar pasientar som berre skal ta blodprøve til å nytta vår poliklinikk i Bergen sentrum, Zander Kaaes gate 7 eller Region Nordhordland helsehus, Knarvik. I sentrum kan ein bestilla time for prøvetaking av barn.

Poliklinikkane våre er stengde på heilagdagar og har redusert bemanning ved ferieavvikling. Sjå opningstidar for kvar enkelt poliklinikk.