Kronstad distriktspsykiatriske senter

Kronstad distriktspsykiatriske senter (DPS) er eit lokalsjukehus innan psykisk helsevern for vaksne. Vi er lokaliserte på Danmarksplass i Bergen. Ved Kronstad DPS blir det gitt tilbod om spesialisthelsetenester til befolkninga i bydelane Bergenhus, Årstad og Ytrebygda i Bergen kommune.

Vi skal bidra til at menneske med psykiske lidingar kan leve eit normalt liv med fokus på deltaking, sjølvstende og meistring. Vi har ulike tenestetilbod til menneske med psykisk sjukdom, og behandling blir utført ved våre poliklinikkar, seksjonar for dag- og døgnbehandling og i ambulante team. Vi utfører både akutt og planlagt behandling, hovudsakleg etter tilvising frå fastlege. Kronstad DPS har som målsetjing å tilby behandling på rett nivå.

Informasjon til tilvisande lege eller psykolog